Home GUJARAT સુરત શહેરના પાંડેસરા વિસ્તારમાં એક પુરુષની તેની જ પત્નીએ ચાર બાળકો સામે...

સુરત શહેરના પાંડેસરા વિસ્તારમાં એક પુરુષની તેની જ પત્નીએ ચાર બાળકો સામે હત્યા કરી

772
0

શહેરના પાંડેસરા વિસ્તારમાં એક પુરુષની તેની જ પત્નીએ ચાર બાળકો સામે હત્યા કરી છે. બુધવારે વહેલી સવારે મહિલાએ પોતાના પ્રેમી સાથે મળીને પતિને પતાવી દીધો હતો. પોલીસના જણાવ્યા અનુસાર, ગુનાને અંજામ અપાયો ત્યારે મહિલાના ચાર બાળકો પણ ઘરમાં જ મોજૂદ હતા.

પોલીસે આ મામલે મૃતક પ્રેમચંદની પત્ની સુધા સોનકર અને તેના પ્રેમી સંતોષ પ્રજાપતિ સામે હત્યાનો ગુનો દાખલ કર્યો છે. સુધા પોલીસના સકંજામાં આવી ગઈ છે, જ્યારે સંતોષ હજુય ફરાર છે.પોલીસ તપાસમાં બહાર આવ્યું છે કે મૃતક પ્રેમચંદ શાકભાજી વેચવા ઉપરાંત ગેસ સિલિન્ડરની ડિલિવરી કરવાનું કામ કરતો હતો. તેણે થોડા સમય પહેલા જ સંતોષને પોતાને ત્યાં નોકરીએ રાખ્યો હતો.

સંતોષ પ્રેમચંદની બાજુના જ ઘરમાં રહેતો હતો, અને તેનું પ્રેમચંદના ઘરે આવવાજવાનું પણ રહેતું હતું. આ દરમિયાન જ તેના અને પ્રેમચંદની પત્ની સુધા વચ્ચે પ્રેમસંબંધો બંધાયા હતા.ચાર બાળકોની માતા સુધાના અફેર વિશે તેના પતિને ખબર પડી જતાં બંને વચ્ચે અવારનવાર જોરદાર ઝઘડા પણ થતા હતા. આખરે પ્રેમચંદનો કાંટો કાઢી નાખવા માટે સુધા અને સંતોષે પ્લાન બનાવ્યો હતો. બુધવારે રાત્રે એક વાગ્યે સુધાએ સંતોષને ઘરમાં બોલાવી લીધો હતો.

સંતોષે પહેલા તો દોરડાથી પ્રેમચંદનું ગળું દબાવી દીધું હતું, અને તે વખતે સુધાએ જ પોતાના પતિના હાથ પકડી રાખ્યા હતા. ત્યારબાદ સંતોષે પ્રેમચંદ જીવતો ન રહી જાય તે માટે ચાકૂથી તેનું ગળું કાપી માથા પર હથોડીના ફટકા માર્યા હતા.હત્યાને અંજામ આપ્યા બાદ સુધા ઘરને તાળું મારી પોતાના ચાર બાળકોને લઈને સંતોષના ઘરે ચાલી ગઈ હતી.

તમામે રાત ત્યાં જ પસાર કરી હતી. સવાર થતાં જ સંતોષ ઘરમાંથી બહાર નીકળી ગયો હતો. ત્યારબાદ સુધાએ પાડોશીઓને પોતાના ઘરનો દરવાજો ખોલવા મદદ કરવા કહ્યું હતું.ઘરમાં પતિની લાશ પડેલી જોઈ સુધાએ ઘરમાં રાત્રે લૂંટારા ઘૂસ્યા હતા અને તેમણે જ પ્રેમચંદની હત્યા કરી છે તેવી સ્ટોરી બનાવી હતી. તેણે પોતાના બાળકોને પણ પોલીસને આ જ વાત કહેવા માટે સમજાવી દીધા હતા. જોકે, પોલીસે વારંવાર પ્રશ્નો પૂછતાં આખરે સુધાએ વટાણા વેરી દીધા હતા.

LEAVE A REPLY

Please enter your comment!
Please enter your name here