Home ENTERTAINMENT અમિતાભ બચ્ચન વિરુદ્ધ ભારતીય જનતા પાર્ટીના ધારાસભ્ય અભિમન્ય પવારે ફરિયાદ નોંધાવી

અમિતાભ બચ્ચન વિરુદ્ધ ભારતીય જનતા પાર્ટીના ધારાસભ્ય અભિમન્ય પવારે ફરિયાદ નોંધાવી

7531

અભિમન્યુ પવારે અમિતાભ બચ્ચન વિરુદ્ધ હિન્દુ ધાર્મિક ભાવનાઓને ભડકાવવાનો આરોપ લગાવતા મહારાષ્ટ્રના લાતૂરમાં ફરિયાદ નોંધાવી છે. હાલમાં પોલીસે આ ફરિયાદને સ્વીકારી લીધી છે જોકે હજુ સુધી FIR નોંધવામાં આવી નથી. લાતૂર પોલીસને આપેલી પોતાની લેખિત ફરિયાદમાં અભિમન્યુ પવારે કહ્યું કે, સોની ટીવી પર પ્રસારિત થનારા કાર્યક્રમ કેબીસીમાં અભિતાભ બચ્ચનના એક સવાલથી ધાર્મિક ભાવનાને ઠેસ પહોંચી છે.

બિગ બીએ પોતાના કાર્યક્રમમાં આ સવાલ પૂછ્યો હતો કે 25 ડિસેમ્બર 1927એ ડો. ભીમરાવ આંબેડકર અને તેમના અનુયાયીઓએ આમાંથી કયા ધર્મગ્રંથની કોપી સળગાવી હતી? જેના ઓપ્શન આ પ્રકારે હતા, 1. વિષ્ણુ પુરાણ, 2. શ્રીમદ ભગવદ ગીતા, 3. ઋગ્વેદ, 4. મનુસ્મૃતિ. ભારતીય જનતા પાર્ટીના ધારાસભ્ય મુજબ, આ ચારેય ઓપ્શન હિન્દુ ધર્મ ગ્રંથો સાથે જોડાયેલા છે. જો તેમની ઈરાદો સાચો હતો તો તેમણે ચાર ઓપ્શનમાં અલગ-અલગ ધર્મગ્રંથોના નામ પણ આપવા જોઈએ હતા. પરંતુ અહીં માત્ર હિન્દુ ધર્મ ગ્રંથોના જ ઓપ્શન છે.

અમિતાભ બચ્ચને આમ કરીને હિંદુઓની આસ્થાને ઠેસ પહોંચાડી છે. હિન્દુ અને બૌદ્ધ ધર્મના લોકો વચ્ચે અંતર પેદા કરવાનો પ્રયાસ અમિતાભ બચ્ચન અને સોની ટીવીએ કર્યો છે.
પૂર્વ મુખ્યમંત્રી દેવેન્દ્ર ફડણવીસના ખૂબ જ નિકટ અને ફડણવીસના પીએ પણ રહી ચૂકેલા પવાર મુજબ, આ એક સમજીવિચારીને કરાયેલું ષડયંત્ર છે. જેથી સાંપ્રદાયિક માહોલ ખરાબ કરી શકાય.