Home OTHER 25 જૂનથી રાજ્યની કોલેજોમાં પરીક્ષાઓ લેવાશે

25 જૂનથી રાજ્યની કોલેજોમાં પરીક્ષાઓ લેવાશે

4079
0

કોરોના વાયરસ લોકડાઉન વચ્ચે ગુજરાત યુનિવર્સિટીએ રાજ્યની કોલેજોમાં 25મી જૂનથી પરીક્ષાઓ શરૂ થશે તેવી જાહેરાત કરી છે. આશરે 1 લાખ વિદ્યાર્થીઓ પરીક્ષા આપે તેવી અપેક્ષા છે.

યુનિવર્સિટીએ નિર્ણય લીધો હતો કે ફાઈનલ યરની પરીક્ષા ઉપરાંત, તે એલએલબી કોર્સના બીજા, ચોથા અને છઠ્ઠા સેમેસ્ટર માટે અને બેચલર ઓફ એજ્યુકેશન (બીએડ) કોર્સ માટે સેમેસ્ટર 2 અને 4 માટે પણ પરીક્ષા લેશે.અધિકારીઓએ જણાવ્યું હતું કે, એલએલબી અને બીએડ સિવાય બાકીની ફેકલ્ટીઓ માટે ગુજરાત યુનિવર્સિટી વર્ષની અંતિમ પરીક્ષાઓ લેશે.

યુનિવર્સિટીના અધિકારીઓએ જણાવ્યું હતું કે, જે વિદ્યાર્થીઓ કોરોના સંક્રમિત છે અને પરીક્ષા આપી શકતા નથી તેવા વિદ્યાર્થીઓને જૂનની પરીક્ષામાંથી મુક્તિ આપવામાં આવશે અને ઓગસ્ટ મહિનામાં તેમના માટે પરીક્ષાનું આયોજન કરવામાં આવશે. જ્યાં આ વિદ્યાર્થીઓને હાજર રહેવાની મંજૂરી આપવામાં આવશે.યુનિવર્સિટી અધિકારીઓએ જણાવ્યું હતું કે રાજ્ય સરકારના વરિષ્ઠ અધિકારીઓ ડીન અને સિન્ડિકેટ સભ્યો સાથે બેઠક યોજી હતી. મિટિંગ પછી ગુજરાત યુનિવર્સિટીએ પરીક્ષાની તારીખ જાહેર કરી હતી.

રાજ્ય સરકારના અધિકારીઓએ યુનિવર્સિટીના અધિકારીઓ સાથે મુલાકાત કર્યા પછી ગુજરાત યુનિવર્સિટીએ એલએલબી અને બીએડના તમામ સેમેસ્ટર માટેની પરીક્ષા લેવાનું નક્કી કર્યું હતું. ઉલ્લેખનીય છે કે, રાજ્ય સરકારે તાજેતરમાં જાહેરાત કરી હતી કે ફાઈનલ યરની પરીક્ષા લેવામાં આવશે. પરંતુ ગુજરાત યુનિવર્સિટી સત્તાવાળાઓ તમામ સેમેસ્ટર માટે પરીક્ષા લેવા માંગતા હતા જ્યાં વિદ્યાર્થીઓની સંખ્યા ઓછી હતી.

LEAVE A REPLY

Please enter your comment!
Please enter your name here