Home ALL INDIA સ્પાઈસજેટ એરલાઈન વોટ આપવા દિલ્હી જઈ રહેલા લોકોને ‘મફત’ ટિકિટ આપી રહી...

સ્પાઈસજેટ એરલાઈન વોટ આપવા દિલ્હી જઈ રહેલા લોકોને ‘મફત’ ટિકિટ આપી રહી છે

153
0

દેશની રાજધાની દિલ્હીમાં ચૂંટણી માટે 8 ફેબ્રુઆરીએ મતદાન થશે અને 11 ફેબ્રુઆરી પરિણામ આવશે. દિલ્હીની તમામ 70 સીટો પર વોટિંગ થશે. આના માટે કુલ 13757 પોલિંગ બૂથ બનાવવામાં આવ્યા છે.

જાણીતી એરલાઈન સ્પાઈસજેટે સોમવારે કહ્યું કે, તે 8 ફેબ્રુઆરીએ દિલ્હી વિધાનસભા ચૂંટણીમાં વોટ આપવા જઈ રહેલા કેટલાક લોકોને ‘ફ્રી ટિકિટ’ આપશે. કંપનીનું કહેવું છે કે, તે આ મુસાફરોને બેસિક ભાડું નહીં આપવું પડે, તેમને ફક્ત ટેક્સ અને સબ ટેક્સ ચૂકવવાના રહેશે.

કંપનીએ સ્પષ્ટ કર્યું છે કે, લોકોએ આ ટિકિટો માટે ઑનલાઈન અરજી કરવી પડશે અને તેની પસંદગી કંપનીની આંતરિક પેનલ કરશે.પસંદ કરાયેલા મુસાફરોએ તમામ ટેક્સ, સબ ટેક્સ, લેવી અને અન્ય ખર્ચ આપવા પડશે. ‘સ્પાઈસડેમોક્રેસી’ અંતર્ગત કંપનીએ કહ્યું કે, જો કોઈ આઠ ફેબ્રુઆરીએ જ દિલ્હી જઈ રહ્યું છે અને તે જ દિવસે પરત ફરી રહ્યું છે તો તે બંને ટિકિટો પર લાગેલા બેઝ ભાડાની રકમ પરત કરી દેશે.

જો કોઈ સાત ફેબ્રુઆરીએ જઈને આઠ ફેબ્રુઆરીએ પરત ફરી રહ્યું છે અથવા આઠ ફેબ્રુઆરીએ જઈને નવ ફેબ્રુઆરીએ પરત ફરી રહ્યું છે તો તેની એક તરફની ટિકિટનું મૂળ ભાડુ માફ કરી દેવામાં આવશે. આના માટે લોકો પાંચ ફેબ્રુઆરી સુધી ઑનલાઈન રજિસ્ટ્રેશન કરી શકશે. પસંદ કરાયેલા મુસાફરોને છ ફેબ્રુઆરીએ સૂચના આપવામાં આવશે.

LEAVE A REPLY

Please enter your comment!
Please enter your name here