Home GUJARAT આવતીકાલથી ગુજરાતમાં શું ખુલશે અને શું બંધ રહેશે? જાણો

આવતીકાલથી ગુજરાતમાં શું ખુલશે અને શું બંધ રહેશે? જાણો

594
0

આજે લોકડાઉના 4.0નો છેલ્લો દિવસ છે અને આવતીકાલથી Unlock-1 શરૂ થવા જઈ રહ્યું છે, જે 30 જૂન સુધી લાગુ રહેશે. જેમાં માત્ર કન્ટેન્મેન્ટ વિસ્તારોમાં લાગુ કરાયેલા નિયમોનું કડક પાલન કરવાનું રહેશે. કેન્દ્ર સરકારે રાજ્ય સરકારોને પરવાનગી આપ્યા બાદ ગુજરાત સરકાર દ્વારા અનલોક-1ની છૂટછાટોની જાહેરાત કર્યા પછી સત્તાવાર જાહેરનામું બહાર પાડવામાં આવ્યું હતું. જે મુજબ રાજ્યમાં હવે એસટીની સાથે 60 કેપેસિટી સાથે ખાનગી બસો પણ દોડશે. ગુજરાતમાં કાલથી કઈ-કઈ પ્રવૃતિઓની છૂટ મળશે તેમજ કઈ પ્રવૃતિઓ માટે જોવી પડશે રાહ?

અનલોક-1માં ગુજરાતમાં શું ખુલશે?

– 1 જૂનથી કન્ટેન્મેન્ટ ઝોન સહિત રાજ્યભરમાં બેન્કો કામ કરતી થઈ જશે.
– બજારો સંપૂર્ણપણે ખોલી શકાશે, માસ્ક- સેનિટાઇઝેશન, સોશિયલ ડિસ્ટન્સના નિયમો જાળવવા પડશે.
– અમદાવાદ અને સુરત સહિત એસટી બસો 60% કેપિસિટી સાથે દોડાવાશે.
– કન્ટેન્મેન્ટ ઝોન સિવાયના વિસ્તારમાં સવારના 8 વાગ્યાથી સાંજના 7 વાગ્યા સુધી વેપાર-ધંધા ચાલુ રાખી શકાશે.
– રાતના 9 વાગ્યાથી સવારના 5 વાગ્યા સુધી સમગ્ર ગુજરાતમાં કરફ્યુનો અમલ કરાશે.
– સચિવાલય અને સરકારી કચેરીઓ સોમવારથી શરૂ કરવામાં આવશે.
– હોટેલ, રેસ્ટોરન્ટ, ધાર્મિક સ્થળો, મોલ 8મી જૂન સુધી ચાલુ નહીં કરી શકાશે.

ગુજરાતમાં શું નહીં ખુલે?
– કન્ટેન્મેન્ટ ઝોનમાં આવશ્યક ચીજવસ્તુઓ અને આવશ્યક સેવાઓ સિવાય કોઈ પણ પ્રકારની છૂટછાટ નહીં.
– શૈક્ષણિક સંસ્થાઓ, શાળા-કોલેજો-કોચિંગ ક્લાસિસ, ટયૂશન ક્લાસિસ-એજયુકેશન ઈન્સ્ટિટયૂટ ખોલવા અંગે જુલાઈમાં નિર્ણય લેવાશે.
– રાજ્યમાં તમામ મૉલમાં મલ્ટીપ્લેક્સ, સ્વિમિંગ પૂલ બંધ રહેશે.
– બગીચાઓ, વૉટર પાર્ક, ફન પાર્ક, બીચ અને પ્રવાસનના સ્થળો પણ બંધ રહેશે.

અનલોક-1માં ગુજરાતમાં મળેલી અન્ય છૂટછાટ
– ટુ-વ્હીલર પર બે વ્યક્તિ અવર-જવર કરી શકશે, બંને વ્યક્તિ એક જ પરિવારના હોવા જોઈએ.
– ફોર સીટર કારમાં અગાઉનો 1+2નો નિયમ લાગુ , મોટી અથવા SUVમાં હવે 1+3 લોકોને મુસાફરી માટે છૂટ.
– સમગ્ર રાજ્યમાંથી દૂકાનો માટે ઓડ ઈવન પદ્ધતિ સંપૂર્ણ બંધ.
– સોશિયલ ડિસ્ટન્સિંગના નિયમો સાથે ઓફિસો શરૂ કરવાની છૂટ.

LEAVE A REPLY

Please enter your comment!
Please enter your name here